PASAYO, para sa taong ito.

Aking nahalungkat mula sa Wall-Photos ng aking Facebook account, ang pinaputok ko last-year.
GOODBYE-UNIVERSE

At ayun na nga, ngayon na ang huling araw sa kalendaryo ng taong 2012. Nagkamali ang mga Mayans sa kanilang prediksyon, natalo si Manny Pacquiao sa nakakabiglang paraan, sumikat si Amalayer pero hindi bilang Artista, natatag na ang RH-Bill at Cybercrime law, ni hindi nagawang magpa-payat ng iba, at marami ang sumira sa kanilang new-year's resolutions this year. Shet, dami talagang nangyari sa taong 'to.

Natapos ko din sa taong ito ang Anim-na-raang oras na pago-OJT sa GSIS. Salamat din at mababait ang mga nakasama ko't naging mga bago ko ring kaibigan doon. Sa sobrang tagal ng aking ipinasok doon ay halos makumpleto ko na ang libro ng Pugad Baboy kakabili sa Moa dahil malapit lang naman XD. Anyway, kung gusto n'yo kong regaluhan sa aking kaarawan at kahit walang okasyon ay pwede n'yong ibigay nalang sa'kin ang mga kulang ko pang libro. 2, 3, 10, 20, 22, 23, 24.

Tumatanggap din ako ng mismong salapi para ako nalang ang bibili. Ngapala, nasa 125pesos ang mababang halaga ng isang libro, pero kahit isang-daan lang ang sa'ki'y inyong ibibigay ay hindi na 'ko magrereklamo, promise.

Ang dami ko ring nakilalang bagong mga kaibigan, dulot na rin ng paglalagi ko sa Twitter at Facebook. Hi friends!!. 

At para sa susunod na taon, at gaya din ng mga ginagawa ng iba. Meron din akong wishlist, pero tatlong bagay lang.

Una, sana magkaroon na ng WiFi ang bahay namin, next year.... 'daming may gusto din n'yan.

Pangalawa, sana tumama mga magulang ko sa lotto, kahit may kahati sa jackpot, ICE lang.

Pangatlo, maraming masarap hilingin, pero kailangan ding maging simple. Kaya sana, buo pa rin ang Pamilya namin sa susunod na taon at sa mga susunod pa.

At paalala, sa bawat hiling ay kailangan ng pagsisikap, kelangan mong gumawa ng hakbang para matupad ang 'yong kahilingan. Dahil kung ang gusto mo lang ay kusa s'yang mangyari, hindi ka HUMIHILING, naghihintay ka lang ng MILAGRO. At tandaan, mas may posibilidad na dumating ang mga bagay kung ito ay MAKATOTOHANAN.

At bago matapos ang taon, bago pumutok ang mga labintador, kwitis, piccolo at iba pa. Tayo muna't magpasalamat kay Bro para sa ibinigay n'yang 366days. Thank You Bro!!!!!

Oh, mauuna na 'ko?. HAPPY NEW-YEAR!!!!!!!
Salamat sa Pagbabasa :D

PAUNAWA: 'Wag magpaputok sa loob....................................ng bahay.

Sa Ikadalawampu't isa ng Disyembre sa taong Dos-mil-dose

"Do not deal out death in judgment, 

coz' even the very wise cannot see all ends."

- Gandalf

the Lord of the Rings: The Fellowship of the Ring

Photo from: beginningandend.com

"DECEMBER NA". Paniguradong sandamakmak na kasabihan at quote ang nasa Timeline ngayon ng mga Social Networking Sites ukol sa phrase na yan. At ang sa akin?.

"December Na, 21 days to go, bago ang first ever formation ng EARTH - SUN at isang BLACK-HOLE sa Milky Way. Ano ang epekto?, Abangan."

Sino ba namang maniniwala na ang petsang December twenty-one, twenty-twelve ang s'yang magsisilbing huling petsa na buo pa ang mundo?. Isang kahibangan lang para sa iba ang pag-papaniwala sa sinasabing nakatakdang mangyari. E sino ba naman ang may gustong matapos ang lahat-lahat, e di magiging AKSAYANG-PANAHON lang ang ipinasok mo sa eskwelahan at iyong trabaho, diba?.

Sino din naman kasi ang maniniwala sa pangyayari, kung ang mangyayari ay ginawang pelikula, diba?. Kaya maraming mga tao sa mundo ang magkakaroon ng movie-time sa December 21, 2012 at panonoorin nila ang movie na 2012 at sabay-sabay na tatawa pagkatapos. At pagsapit ng December 22 ay masasama na daw sa genre ng Comedy ang mismong movie....

Pero teka, hindi na si Harold Camping ang may prediction nito ha.

Nagsimula ang lahat nang madiskubre ng mga researcher ang Mayan-Calendar, ano ang isinasaad???. Na ang 12.21.12 ay isang END-DATE. Okay, Okay, natapos ang kalendaryo ng sibilisasyon ng mga Mayan sa petsang 'yon, E ano naman?, sino'ng maniniwala diba?, e ang difference lang naman ng kalendaryo nila kumpara ng sa atin ay Point-"something"-Second/s (.?secs) lang naman. - Ganon ka-accurate.

-Bakit kasi may Mayan Calendar pa, diba?.

-Bakit kasi sa December 21, 2012 ay may phenomenon na mangyayari kung saan maga-align ang Earth-Sun-Black Hole sa Milky Way Galaxy sa pinaka-unang pagkakataon?.

-At bakit kasi ang END-DATE na sinasabi ng mga Mayan's ay natapat dun sa phenomenon na 'yon?.

Ang galing naman nilang manghuhula. Kaya Science or Superstition?. Malay ba natin kung may ginagawa talagang BIG-SHIPS sa China ngayon. Tapos inaangkin nila ang Spratly Islands para makakuha ng langis pang-gasolina sa mga 'yon..... Nasa sarili mo ang iyong magiging paniniwala.

Ang sinasabing phenomenon ay wala pang deskripsyon kung ano ang mangyayari at magiging epekto sa mundo, kaya, ABANGAN!!.

At syempre, malaman mo man na totoo o hindi ang eschatological belief na 'to. May magagawa ka ba?. Kaya 'wag kang mangamba, patuloy ka pa ring mamuhay, pero isa-isip mo palagi ang kasabihang: "TOMORROW IS NEVER PROMISED"

Thanks for Reading!!!!!!

Malaking shout-out para sa aking supervisor sa OJT, s'ya ang nagbuklat ng libro para sa topic na 'to hahaha. Narito ang kanyang blog: http://mamamayangmalaya.blogspot.com/